كيف الواحد بقدر يقوي من لغتوا الانجليزية حتى يصير speaker فيها سجلت ب مراكز بس ما أستفدت شو الحل؟

مشاهدة الافلام والمسلسلات من غير ترجمة 

المراكز ما بتساعد بالمره  اذا ما كنت من وانت صغير لغتك قوية ولا 10 مراكز رح تحسنها
الاغاني الاجنبيه و الافلام و الكتب بس شو ي شوي رح تلاقي نفسك تحسنت خصوصا مع الكتب 

الطفل الصغير لما بيسمع اهله عم يحكوا ما بكون فاهم اشي اول سنه بعدين بصير يستوعب بسبب الحركات ويفهم انو هاي الكلمه معناها هيك وبتنقال بهاد الوقت ونفس الاشي الواحد لما بيكون بده يتعلم للغه افضل طريقه هيه انو يسمع او يمارس او يستخدمها والاحسن اشي انا بنصح ب انه يتابع افلام انجليزي بدون ترجمه وهاي من أحسن الطرق الفعاله لمنه الواحد يتقن اللغه

أنصحك بقناة ZAmericanEnglish على اليوتيوب أو التطبيق على الهاتف حيث يوجد عليها أكثر من طريقة لتعلم اللغة الإنجليزية بسهولة وبالتأكيد ستستفيد جداً

اقرأ كتب بالانجليزي واسمع انجليزي بدون ترجمه.. حاول اكتب يلي بتسمعه..

والاهم من كلشي ممارسة اللغه.. بدون ممارسة اللغه ما رح تحس بالفرق

هسه الاردن كل اشي فيها لغة انجليزية "بريطانية" اما الشركات اللي بطلبو انجليزي يطلبوه "امريكي" و ما في فرق كبير بينهم بس انو ممكن المعاني و الافلام تساعدكك علي الصوت و ركزي بالحكي و بتزبط و شوي شوي بتتعلمي بدون دورات زيي 

اعطي حالك فترة 4 شهور، احضر فيها كتير أفلام وأغاني أجنبي، والافلام أول مرة احضرها مع الترجمة وبعدها بدون أو حاول ما تطلع ع الترجمة وخلي معك دفتر صغير، سجل عليه كل يوم 5 كلمات جديدة بالانجليزي ومعناها ومرادف الها وضد، هيك رح يتحسن مستواك بشكل ملحوظ! 

انا سجلت بمراكز وما استفدت شي بس هلأ بشتغل معلمة في مدرسة انترناشونال وهناك ممنوع غير تحكي انجليزي مع الطلاب صرت احسن كتير خصوصا ب speaking فلازم تلاقي حدا تمارسي معه اللغة وضلك اعملي حوارات بعقلك وكيف حتكون اجابتك وازا صعبت عليك كلمة طلعي ترجمتها عطول واسمعي اغاني اجنبية اول شي شوفي الترجمة وانت بتسمعي بعدين شغليها وضلك احكي معه والافلام كمان نفس الشي 

احكي مع نفسك بالمراية اي شي بتتعلمه واحفظ معاني كثيرة 

من البرامج والمسلسلات بتقدري تلقطي كم كلمة والمراجعة الدائمة والمتابعة الها دور وبتقدري من تطبيقات بتتعلمي الاساسيات وتسيري تركبي كلمات جمل ومع الوقت ما بنفرقك من الأجانب وبالتوفيق يارب 💙